फुर्सदमा

   
     फुर्सदमा

   - कविता

   - संघर्ष क्षेत्री

मान्छेहरु,
मान्छेहरु तिलको गेडालाई सगरमाथा ठड्याउछन्
एउटा सानो प्वाँखलाई चरो बनाउछन् ।
यहाँ जे-जे हुन्छ सब फुर्सदमा हुन्छ ।

 कुनै वैज्ञानिकहरु,
आफ्नो सोधमा व्यस्त भइरहदा
कविहरु कवितामा मस्त भइरहदा
किसानहरु,
आफ्नो अन्नबालीमा अनाज फलाउन व्यस्त भइरहदा
बेकम्मा गफाडीहरु गफको आइफल टावर खडा गर्छन् ।
यहाँ जे-जे हुन्छ सब फुर्सदमा हुन्छ ।
हो,
हो म पनि फुर्सदमा प्रेम गरेँँ ।
प्रेमिकासँगको व्यस्त समय निकालेर हातमुख जोर्ने ध्याउन्नमा व्यस्त रहेँँ ।
प्रेमिका १
उसलाई समय दिइनँँ भनेर झगडा गरेर छुट्टिई ।
प्रेमिका २,
म सँग प्रेम गर्न प्रतिस्पर्धा गर्दागर्दै आफ्नै प्रतिस्पर्धीसँग पछारिई । अनि,
प्रेमको व्यस्त समयबाट फुर्सदिलो भएँँ म ।
प्रेमिका ३
भन्थि
मेरा बा कट्टर छन्,
-जातपातको कुरामा
-धर्मकर्मको कुरामा
र
-इज्जतको कुरामा ।
ऊ फुर्सदमा थिइ र प्रेम गरि ।
अनि व्यस्त भएँँ म ।
म व्यस्त भएँँ दानापानी चपाउन नपाउनेगरी व्यस्त भएँँ ।
ऊ फुर्सदमा थिइ, र ड्राइभरसँग सुइँकुच्चा ठोकी ।
यहाँ जे-जे हुन्छ सब फुर्सदमा हुन्छ ।